Plís, fjölmiðlar, pikkið þennan Reddit þráð upp!
Jæja, við bitum á agnið. Fjölmiðlar bitu á agnið. Enn einn dagurinn, enn eitt innflutta menningarstríðið frá hægrinu. Í þetta sinn er nýja menningarstríðið og afvegaleiðingin mótmælin í Frakklandi (en Frakkar eru vel að merkja nánast heimsmeistarar í mótmælum, ég meina halló Franska Byltingin!). Þau snúast í raun um niðurskurð í menntakerfinu, lífskjör og vaxandi ójöfnuð. Þeir sem hafa farið fremstir í skipulögðum skemmdarverkum gegn bönkum og lögreglu eru róttækir anarkistar, hvítir, innfæddir Frakkar. Unglingarnir úr úthverfunum sem hafa gripið til búðarána eru nánast allir franskir ríkisborgarar, fæddir og uppaldir þar í landi, en ekki erlendir innflytjendur.
En fyrir fjarhægrinu skiptir það engu máli. Staðreyndir skipta engu máli. Elliði Vignisson, bæjarstjóri Sjálfstæðisflokksins í Ölfusi, deildi gamalli mynd frá öðru landi sem tengdist mótmælunum í Frakklandi ekki neitt. En fyrir Elliða skiptir það engu máli, honum er drullusama, svo lengi sem við rífumst ekki um hans mál eða tjah, kannski svo lengi sem við hættum að pæla í risamarkaðsmisnotkun Ölgerðarinnar sem Kveikur var að afhjúpa í síðustu viku? hver veit. Btw, þetta er sama mynd og Eldur Deville deildi á X. Nú fer þetta eins og eldur um sinu. Það er verið að prufukeyra nýja frasa og stikkorð til að ná fram athygli, prófa áróður, afvegaleiða umræðuna og safna atkvæðum fyrir framtíðina. Fokk hvað ég er þreytt á þessu.
Ég og maðurinn minn erum orðin svo þreytt á þessum endalausu menningarstríðum sem dælt er yfir okkur til að dreifa athyglinni. Hvað ætli Elliði hafi stungið miklu undan skatti? Hvað ætli spillingin sé mikil í kringum hann og fleiri? Talandi um menningarstríð. Sigmundi Davíð er alveg drullusama um woke eða innflytjendur. Hann vill bara að við rífumst um það svo aflandsfélögin hans fái að vera í friði. Hvernig væri að við færum að krefjast þess að fjölmiðlar spyrðu hann út í það? Eða tengsl hans, og hans flokk og hluta Sjálfstæðisflokksins við MAGA og Heritage Foundation?
Ég er orðin langreytt. Hvernig væri að við færum fyrir alvöru að ræða vistheimilin á Íslandi, þar sem ekkert hefur verið lagað og misnotkun á börnum þar heldur áfram, þrátt fyrir endalaus loforð stjórnvalda árum saman? Hvernig væri að ræða fákeppnina hérna, gífurlega valdaþjöppun og nútímaólígarkisma stórútgerðarinnar? Endalaust þögult samráð olíufélaganna, matvörurisanna o.s.frv.? Spilltar löggur? Namíbíumálið og Samherja einhver? Skattaskjól valdahafa og stjórnmálamanna? Eða endalausar hækkanir á matvöruverði? Aflandsfélög póltíkusa? Ég get haldið endalaust áfram og komið endilega með fleiri dæmi!
Á meðan einhver þingmaður, bæjarstjóri, hægri hlaðvarpsstjóri eða áhrifavaldur hendir fram umdeildri fullyrðingu og kveikir nýtt bál, bitum við alltaf á agnið. Við eyðum orkunni í að rífast á samfélagsmiðlum á meðan mun mikilvægari mál varðandi daglegt líf okkar fá enga athygli.
Þar má nefna fjárfesta sem eru að sölsa undir sig húsnæðismarkaðinn, sjókvíaeldið, loftslagsbreytingar, skattaskjól, aflandsfélög og stórútgerðina sem stundar nútímaólígarkisma og er að sölsa undir sig íslenskt samfélag eins og það leggur sig. Það er kominn tími til að við hættum að láta afvegaleiða okkur og draga okkur alltaf út í menningarstríð, og förum þess í stað að fylgjast með og ræða það sem raunverulega skiptir máli.
Edit; bara svo posturinn misskiljist ekki. Að sjálfsögðu eiga fjolmiðlar að afhjúpa það þegar kjörnir fulltrúar deila ósannindum og lygjum og kalla út bullshitið! Það er skylda þeirra og gífurlega mikilvægt!
Pointið mitt er frekar hvernig umræðan þróast í kjölfarið. Í stað þess að fókusinn sé á að afhjúpa lygina og spyrja "af hverju er bæjarstjóri að nota falsfréttir til að afvegaleiða umræðuna?“, þá fer öll orkan í að rífast um menningarstríðið sjálft.