أكبر غلط سوّيته بحياتي أني علمت أهلي وأمي خصوصا كم راتبي

نصيحة للي عمره صغير وراتبه عالي، لا تفكّر أبدًا

راتبك؟ اقسمه على 2، وقلّهم أن ذا راتبك.

راتبك 20؟ قل أنه 10

قعدت افكر شلون يجتمع في عقل الانسان انه يكون قنوع بالاشياء الي عنده + يشتري اشياء احسن
يعني مثال لو انا مقتنعه باشيائي لمن اروح واشتري شي ثاني احلى مو هذا مضاد للقناعة؟
يارب فهمتوني
ويعني شلون اذا صرت قنوعه معناته ما اغير اغراضي؟؟؟ اف مادري في شي غلط انا مافهمته

نعم حصل

لمتى وانا اكذب على نفسي و عاللي حولي ولمتى انا كذا ببقى اشوف وضعي ووضعهم يتدمر وانا عاجز أو بالاصح عاجزين نوصل لحل ، وزني نزل شهيتي مسدودة يوميا احس بجبل على صدري ما ابين هالشي لأحد نادر انفجر لاحد هالحساب متنفسي الوحيد بالدنيا ذي ، افكار و مواضيع تتضارب براسي و التفكير فيها 5 دقايق كفيل بأنه يسبب لي شعور جدا مزعج ما اعرف اوصفه ، ابغى امسك شعري و انتفه و اصرخ لين اتعب انا كتمت كثير و ما ادري هذا عقاب من الله عاللي سويته ولا شي مكتوب اعيشه من زمان بكل الاحوال انا تدمرت تععععبت مشاكل من جميع نواحي الحياة تقريبا ، حاولت اجيب أي شي يهديني اشوقندا او منوم لكن ماش ما ضبطت معي ماني عارف وس اسوي حتى الالعاب اللي كنت اهرب لها عند مشاكلي معد تفيد مخي ضايع و يفكر بأكثر من شي بنفس الوقت و ليتها على سنع والله ذبحتني الافكار ، اغلب اللي حولي عايشين عيشة كويسة نوعا ما الا انا و اللي يزعل صدق مجتمعي اغلبه ناس مرتاحة 85% تقريبا و يوم اشوفهم اجلس أندب حظي و اقول انا ليه عايش بهالعذاب؟

كلامي ملخبط ما فكرت ولا خططت للي بكتبه حطيت اكثر من فكرة كانت تتضارب براسي ، انا صدق احتاج احد يطبطب علي و يسمع و يسأل بس من وبن لي

احتاج فلير غضب
لحد يخمن المسبات مدري وش هي نجوم عشوائية بس احترامًا الجم

لاني ماقدر البس نظارات شمسيه وابكي بمكان عام بدون لحد يدري… تباً عيني تفضحني

البارحة شعرت بالحزن على حال البالغين
لأنهم لازم يقومون بنفسهم حتى في حال المرض

واستيقظت متعبة ودي ابكي وانلم
أحزن لما أفسر التصرف وألقى دافعه الحصول على العناية أو الاهتمام، ودي في هذي الحالة أُفهم من غير ما اتكلم

بس لما اتذكر، رغم وضوح الحال فيما مضى بحمد الله ربي أعانني وقدرت اقوم بنفسي، ولا يسعني في كل مره سوى تذكر فرق المعاملة وأنهم كانوا بيقومون بالغير

عشان كذا اليوم اشوف ان دعوة " الله لا يحوجني للبشر " محزنه

كيف اصل لمرحلة اني اقبل ذاتي ؟ ويصير عندي قبول للذات وماخذ قبولي من رضا الناس عني

والله متوتره وبطني يعورني يعورني ومدري وش بيصير

مابي اداوم تباً للدوام تباً للشغل ابي انام وبس

تو قلنا صباح الخير ولا طلعت جايبه مشكله وش كبرها فالدوام بغلط من عندي والحين انتظر المدير يتصل ومدري وش اقول طلعتهم بخساره ب شي لاني ماركزت بشغله معينه ماتوقعت بعد ذا السنين بيجي شعور اللي نسيت احل الواجب ابله ياربي ): الامور طيبه صح صح ؟؟

اشوف انه حياتي نفس الشخص اللي يحاول يطلع من غرفة و كل ما يطلع من باب يلقى حائط أمامه. باختصار كل ما حاولت ادخل في علاقة مع شخص تنتهي و تكون غير مثمرة أو ما تستمر حتى اسبوع، ما أدري قلت هل الخلل فيني؟ أو إن هذا عقاب إلهي على ذنب سويته في الماضي؟ صار الموضوع زايد عن حده رغم إني مب من النوع اللي يقط الميانة بسرعة أو يقلل أدبه إذا جاء بيتعرف على شخص.

بصراحة الموضوع نفسيا متعب لذلك صرت أحاول ما أكترث أو أكون علاقات حتى ما ترجع لي خيبة الأمل هذه.

لكن لعل أنجوا بهذه الخطوة الله اعلم

اني اسافر واعيش الحياة يا ربي تعبت

حقيقة ام خيال
بيصير اللي ابيه ولا
بيجيني اكتئاب لو ماصار ولا بموت
ولا ربي بيعوضني
امممم اكيد خيرة

صحبتي هذي الفتره حسيت افكارها عن الشك بالدين بدأت تزيد وكلمتني اخر مره انه تصالحت معاه ، فكره الصلاه والعبادات وغيره من الاشياء
تحس انه اشياء اخترعها الشيوخ وان القران شيء مو المفروض نمشي عليه ومن هذا الكلام

انا خايفه عليها مره ، ما ابغاها توقع ب اشياء زي كذا صح كل واحد حر ب افكاره وقناعاته
بس انا ما ابغاها تشك ب اساس الدين مثل الصوم والصلاه وابغاها تجاهد نفسها حتى فيهم

بس حسيتها حتى هذي الاشياء تسحب نفسها منهم
ونصحتها وكلمتها اكثر من مره بس هي مقتنعه بكلامها بشكل مخيف ، وتقول انه دايم ادعي ربي يوريني الطريق الصحيح ويمكن هذا الطريق الصح

ما اعرف ايش اسوي اكثر من كذا

مرحبا،
يمكن موضوعي تحسو انه في مبالغة لكن هو ابدا مش هيك وانا بديت اعاني

الي سنتين عايش في الرياض، اموري تمام الحمدلله امن وامان ومرتاح.

الوضع حرب ومتوتر مثل ما انتو عارفين، ( الله يحفظ المملكة يا رب )

من ٤ ايام، تصدو لصاروخ من الحوثي، انا كنت نايم وفي شظية وقعت شارعين خلف بيتي، صحيت مفزوع وصوت عالي وكانه نيزك والبيت رج ونزل ضغطي بوقتها من الخوف

وانا عايش لحالي ، صرت اي صوت يخلي دقات قلبي ترتفع، ما اعرف انام وخايف يتكرر يلي صار

وعلي دوام وبطلت اقدر انام خصوصا لما تصير الدنيا ليل

حدا عندو حل لهيك موضوع؟ يا جامعة شغلي بدا يتأثر واتاخر عالدوام ونفسيتي بلارض

اشعر بالخذلان من العالم
اكره الحياه الي اعيشها
احس بالعجز
و احس بالعار من العجر
احاول و احاول اني اعتمد على نفسي و اقوم على رجلي
اجتهد كثير
بس الامر صعب و جدا

وانا راضي، عندي شغف للعلم وماعندي مشكلة اقضي شبابي بطلب العلم، مشكلتي، هل راح اقدر؟ الدراسة وصلت مستوى صعب جدا لدرجة اني خايف على مكاني بالجامعة، اتمنى شي نفس هذا مايصير، ادعولي الله يعدي هالسنة على خير، لانه اذا عديتها باذن الله الي وراها يهون