اتمنى الخير للقصيم والقصمان اغلى واحلى ناس الله يحميكم 🙏🏼
تصبحون على خيرر

ابي اسوي الفحص لكن ما ادري وين يتسوى ، المراكز الصحيه مافيها مواعيد حتى

الحين وقت تشغيل الماء السخانى

شخصياً مريت بتجربة بعد ما تخرجت من كمية حسد بكل مره كنت ابحث فيها عن وظيفة و تاصلني عبارات مثل:* انت ولد العائله الفلانيه، وش تبي بنا وانت ولد الفلاني، شرايك تشتغل معنا فزعه انت ولد الفلاني ماعليك قاص*ر، غيرها الكثييييير لذلك فقدت الامل بالقصيم و صرت ادور برا القصيم لين الحمدالله حصلت و لو جتني وظيفة بالقصيم برفض بسبب هالشي.

طبعاً هذا لا يعني ان كل اهل القصيم حساد لا ابداً انا منها و مولود فيها و اهلي فيها لكن زي ماتقولون صدمة شفتها للاسف و اتمنى الحُساد يموتون

عن نفسي ودي اطلع امشي مع احد ماعرفه فترة الصباح
"من ٤ ونص ل ٦ ونص " او تكون طلعه عاديه نتمشى فيها نتقهوى، فكرت فيها مره لكن احسها غبيه وصعبه وغريبه

i just recently joined a gym and im hoping i can find someone who goes to the in2 gym that also speaks english cuz im rlly struggling on knowing if im using the stuff correct or not over all i just need help in every way there, if anyone can speak english and goes to that gym please help a girl out 🩷

السلام عليكم ورحمة الله وبركاته،

لو سمحتم، هل فيه فرص عمل متاحة لمهندس مدني متخصص في تصميم الطرق في القصيم أو أي مدينة في المملكة العربية السعودية؟

(يعمل في القصيم منذ 7 سنوات)

الخبرة حوالي 7 سنوات، مع الاستعداد للعمل في أقرب وقت ممكن، نظرًا لوجود التزامات تعاقدية تستلزم سرعة الالتحاق بعمل جديد.

يُرجى ممن لديه فرصة مناسبة أو يستطيع المساعدة في الوصول إلى جهة توظيف موثوقة التواصل معي، وجزاكم الله خيرًا وبارك الله فيكم.

عالم الزراعة مافيه احسن منه كيف لو بيكون عندي شخص يحب هالمجال ؟ فيه رجال كبير بالعمر بحارتنا بيته كلههه تشجير ما شاء الله، والقراج حقه شتلات وفخار تمنيت لو انه قريب من بيتنا عشان اصلي معه بنفس المسجد واسولف معه واصادقه 😔

التشققات ذي تطلع بنفس الاصبع من سنتين، كانت تروح وتجي لكن الحين طولت لها فتره وصارت تطلع باماكن ثانيه مين يعرف سببها او قد صارت له وعالج المشكلة؟ ( ما اكل جلد اصابعي ) و حاولت ارطبهم ماشفت فرق ماتغير اي شي

ابي عيادة زينة ودكتور زين للي ركبوا تقويم وفكوه🙏

الاشرطة ذي الي من نوع Vhs اظن ذا اسمها كذا عندي معها ذكريات جميله كنت اشوفها عند بيت جدتي الله يرحمها وكانت اول اتصال لي مع الاجهزة البصرية الترفيهية كانت ممتعه والصراحه افتقد الاوقات ذيك و فيه مسلسل اختفى كان له اشرطة مسلسل اسمه شداد و رداد كان مسلسل بدوي و فيه شخصيات من رجل جنسيته سوداني راعي غنم و رجلين ثنين واحد اسمه شداد و الثاني رداد وهم الشخصيتين الرئيسيتين ذا المسلسل بحثت عنه بشكل عميق ولا حصلته و لا اعرف تفاصيل كثير عنه كافيه اني ابحث زين و كنت صغير وقتها و انا اشوفه ذا السبب الي مخلي معلوماتي شحيحه عنه فيه برضو مسلسل سالي المعروف و شديد وتمام معروف برضو فيه دبين اسمهم لوز و سكر و برضو عدنان ولينا معروفين كيف تجربتك مع الفترا ذي؟ + بالله احد يعرف كيف احصل مسلسل شداد و رداد؟ .

الولد هذا طيب وحبيب وانسان متساعد وخدوم وشخص يعتمد عليه بامور الحياة، بفترة الثانوي كنت دايم ادعمه بالفودترك حقته واعزز له، مابيننا ميانه او صداقه يعني اقل من زميل كان وماكان بنفس الفصل حتى، ولا اذكر كيف تعرفت عليه وكيف اضفته، اخر مره تكلمنا ب ٢٠٢٤ كان يرسلي ريلزات بنات وزقت معي وبلكته من الانستا ونسيت انه عندي بالسناب جاء كلمني قبل فتره ورديت وصار كل اسبوعين ثلاث يرسل اليوم جاني قال شفتك الجمعه الي راحت وكذا وودي نطلع سوا دامي جيت بالاجازه حقتي هنا وخلاني ارجع اضيفه انستا، وياخي يتكلم معي كاني اعز اخوياه وكان بيننا عشره عمر كل ماكلمته اصنم لاني مابي ازعله ولا ادري كيف اتصرف او ارد يعني شوفوا شقاعد يقولي !! الحين ماعرف اطلع معه ولا لا، يوترني والله

https://qareen.app

اللي وده يجربها واي نصايح اكون من الشاكرين

مطارنا ليش زفت كذا يعني مو معقوله مطار دولي و رحلاته محدوده

اتأمل اني اتوظف فيها ولا مافيه امل؟ وكيف اوصل لهم

للناس الي اشتغلت ف محلات تجارية و مسكوا مسؤليات ومنصب عالي ف عمر صغير و نجحوا عطونا نصايحكم و المشاكل الس واجهتكم وهل كنتوا قد الثقة ولا لا

سلام عليكم تعرفون كيف اشوف الصكوك العقارية وخاصة صك الافراغ؟ لاني احتاجه لتقديم استرجاع الضريبه والموضوع كان في ٢٠٢٠ بعت لي عقار ودفعت الضريبه والان جتني رساله بخصوص هالشي بس ما حصلت صك الافراغ كدليل لملكيتي بحثت بناجز و البورصة العقاريه وكان قبل صك الافراغ بتوكلنا بس انشال اللي يعرف كيف اطلعها يفيدني

المواقف الي يندفع عليها بالساعة، ياجماعة انصدمت! انا دايم ادفع فيها ساعة بس مرات اجلس ساعة وعشرين دقيقة او ساعة وشوي، وانصدمت يوم دخلت التطبيق ولقيت علي مخالفات ١٠٠٠ ريال!

تصدقون ما قد لبقت هناك وما دفعت؟ دايم ادفع

والي يقهر المخالفة الوحدة ٢٥٠ ريال! على ايش بالله، يعني لو حاطين المخالفة ٥٠ ريال او ٧٥ اوكي لكن ٢٥٠!!!

وش ممكن يسوون؟ انا خلاص ماراح اوقف سيارتي هناك لكن صعب جدا ادفع لهم ١٠٠٠ ريال

وش اقصى شيء ممكن يسوونه؟ نصيحة شيكوا التطبيق حقهم ترا يطلع عندكم مخالفات وانتم ما تدرون

مرات اكون اصمم او اسوي اي شغله بالحياة لكن اذا كلمني احد افز يعني اليوم بالمطبخ اسوي فطور فجاه اخوي قالي صباح الخير بغيت اموت مع انه مو شي غريب يعني دايم يصحى هالوقت ومره كنت اصمم ودخلت الغرفه امي تسالني اذا ابي شاهي وبغى قلبي يوقف كانه احد داخل علي وانا اسوي جريمة، فيه احد نفسي؟ + موضوع الغرفه حاولت اتفهمه لاني دايم اقفل الباب لكن اليوم ذاك ماقفلته حتى الضحكه اذا شفت مقطع وضحكت عليه ودخل علي احد افز والضحكه تختفي 😵‍💫 اول مره افكر بالموضوع ماحس له تبرير